Windows 11 မှာ ဘာတွေပြောင်းသွားလဲ ?

နှစ်ရက်နီးပါး စမ်းသပ်သုံးကြည့်ပြီးတဲ့အချိန် –

Windows 11 မှာ ဘာတွေပြောင်းတာလဲ ?
Windows 10 နဲ့ ဘာကွာတာလဲ ?
System Requirement ဘယ်လောက်လိုလဲ ?

စတာတွေကို ကျွန်တော်လေ့လာမိသလောက် အမြင်နဲ့ အောက်မှာ

တစ်ခုချင်းစီ ပြောပြထားပါတယ်။

Officially မထွက်သေးတဲ့အတွက် Reference ယူလို့ရရုံမျှပဲ ဖြစ်ပါတယ်။

File Explorer နဲ့ တချို့ နေရာတွေမှာ Icon Design အသစ်တွေပါလာတယ်။
Taskbar Design အသစ် ပါလာတယ်။
Multi Desktop Feature ပါလာတယ်။
Application Windows ထောင့်လေးတွေ နည်းနည်း Rounded ဖြစ်သွားတယ် (မဆိုဆလောက်ပါပဲ)
Startup Sound အသစ်အပြင် External Drive တွေ တပ်တဲ့အချိန်, Application Install လုပ်ဖို့ Permission တောင်းတဲ့အချိန်တွေမှာ ထွက်လာတဲ့ Sound လေး နည်းနည်းပြောင်းသွားတယ်။
Dark Mode နဲ့ အတူ Theme နဲ့ Wallpaper တချို့ ပိုပါလာတယ်။
Software အဖွင့်အပိတ် Animation လေးတွေ ပိုပြီး Smooth… ဖြစ်လာတယ်။

နေ့စဥ်ပုံမှန် သုံးနေတဲ့ သူတွေအတွက် Windows 10 နဲ့ 11 ကတော့ ကြီးကြီးမားမား ပြောင်းလဲတာမျိုးကြီးတွေတော့ ရှိမှာ မဟုတ်ပါဘူး။

User Interface လေး နည်းနည်းပါးပါး Design ပြောင်းတာလွဲလို့ ကျန်တာ အကုန် တူသလောက်နီးပါးမှာ ရှိပါတယ်။

Intel Celeron, RAM 2GB, HDD 160GB နဲ့ကို Windows 11 Pro သုံးလို့ရပါတယ်။

OS ရဲ့ Operating Speed, RAM Usage, CPU Usage အကုန်လုံးနီးပါးက Windows 10 တုန်းကနဲ့ အတူတူပါပဲ။

Recommended လုပ်တာတော့ RAM 4GB လောက် ပါမှ သုံးစေချင်ပါတယ်။ Features Update တွေရှိလာခဲ့ရင် အဆင်ပြေအောင်ရယ်ပါ။

ဆိုတော့ လောလောဆယ် Windows 10 သုံးနေတဲ့ Computer အားလုံးနီးပါး Upgrade လုပ်သုံးလို့ရပါတယ်။

အဲ့တစ်ချက်တော့ Windows 11 ကို ကျေးဇူးတင်ရမယ် :))

Windows 10 ထက်စာရင် Optimize ပိုဖြစ်သလို ခံစားမိတယ်။

Windows တက်တာကအစ Application အဖွင့်အပိတ်လုပ်ရတဲ့အထိ Windows 10 ထက်စာရင် နည်းနည်းလေး ပိုသွက်သလို ခံစားရတယ်။

Developer Build မို့လို့ Feature မစုံလို့ပဲ ပိုသွက်နေသလားတော့ အတိအကျ မပြောတတ်သေးပါဘူးဗျာ။

အရင်ကတည်းက သုံးလာတဲ့ Software တွေအကုန် Compatible ဖြစ်ပါတယ်။

32 Bit Application တွေလည်း Run လို့ အဆင်ပြေပါတယ်။ (Adobe PageMaker တောင် Windows 11 ပေါ်မှာ ခုထိ သုံးလို့ ရပါသေးတယ်၊ လွန်ခဲ့တဲ့ နှစ် 20 က Software ပါ)

ဒီ Developer Version မှာတော့ Application တချို့ဖွင့်တဲ့အချိန် App Window ပေါ်မလာတဲ့ Error လေးတွေတော့ ရှိပါသေးတယ်။

Driver အတွက်လည်း Windows 10 မှာ သုံးနေကျ Driver တွေ အကုန် Install လုပ်လို့ရပါတယ်။

ဘာမှ အပြောင်းအလဲကြီးကြီးမားမားကြီး မရှိပါဘူး။