Windows Version နဲ့ Build Number ကို ဘယ်လိုစစ်မလဲ?

ဖတ်ရလွယ်ကူအောင် အောက်မှာ Category လေးတွေအလိုက် ခွဲထားပေးပါတယ်။ ကိုယ်ကြိုက်တဲ့ Category ကိုနှိပ်ပြီး ကျော်ဖတ်လို့ရပါတယ်။

Windows Edition ဆိုတာ
Windows Version & Build No ဆိုတာ
ဘာတွေပြောင်းလဲပြီး ကွာခြားသွားတာလဲ?
Windows 10 ကို Minimum Version ဘယ်လောက်သုံးသင့်လဲ?
Windows Version နဲ့ Build Number စစ်တဲ့နည်း

Windows Version တွေ၊ Build Number တွေ မတိုင်ခင် အရင် Windows Edition ဆိုတာ ဘာလဲသိဖို့ လိုပါတယ်။

ကျွန်တော်တို့ အများခေါ်ပြောနေတဲ့ Windows 10 Home, Windows 10 Pro တို့ဆိုတာ Windows Edition တွေကို ပြောနေကြတာပါ။ အပြင်မှာ လွယ်လွယ် Windows 10 ဘယ် Version လဲ ဆိုပြီး မေးပြောနေပေမယ့် တကယ်က Windows Edition တွေကို ရည်ညွှန်းပြောနေကြတာပါ။

Windows Edition, Version and OS Build Number

ဆိုတော့ Windows Version ကဘာကြီးလဲ?

Windows Version ကို တစ်နည်း မြင်အောင်ပြောရရင် ကျွန်တော်တို့ ဖုန်းတွေမှာပါတဲ့ Android (or) iOS Version ကွဲပြားသလိုမျိုးနဲ့ သဘောတရားခြင်းတူပါတယ်။

Android မှာဆိုရင် Android Version 8, Version 9, Version 10 ကွဲသလိုမျိုး Windows 10 မှာလည်း Edition တူတာတောင် ထွက်တဲ့ နှစ်ပေါ်မူတည်ပြီး Version 1511, Version 1809, Version 2004 ဆိုပြီး ကွဲပြားတာမျိုးတွေ ရှိပါတယ်။

Android (or) iOS Version နိမ့်နေရင် တချို့ Application တွေ Install လုပ်လို့မရတာမျိုး၊

Features အသစ်တွေ သုံးလို့မရသလိုမျိုးပဲ

Windows မှာလည်း Version နိမ့်နေလို့ Application Install လုပ်လို့မရတာတွေ၊ Features အသစ်အသစ်တွေ သုံးမရတာမျိုးတွေရှိပါတယ်။

Windows 10 (Home/Pro) Edition နဲ့တင်မပြီးဘဲ၊ သူ့ရဲ့ Version တွေ၊ Build No. တွေလည်း အကြမ်းမျဥ်း သိထားရင် ပိုကောင်းပါတယ်။

ပုံလေးတွေနဲ့ ယှဥ်ပြပေးထားပါတယ်။

Windows Version နိမ့်လို့ Photoshop Install လုပ်မရတဲ့ Example လေးပါ။

ဘာတွေပြောင်းလဲပြီး ကွာခြားသွားလို့လဲ?

Windows Version & Build Number ကွာတဲ့အခါ Windows 10 တင်ထားတာချင်း အတူတူကိုမှ User Interface Design ကွဲပြားမှူတွေရှိနေတာ

Latest Application Install လုပ်တဲ့အချိန် Windows Version အမြင့်မှာရပြီး အနိမ့်မှာ Install လုပ်လို့ မရတာမျိုးတွေ

Windows 10 Version နိမ့်နေလို့ ကိုယ့် Computer Hardware Peripherals Driver တွေ Install လုပ်တဲ့အခါ (Example: Graphics Card Driver) မကိုက်ညီတာမျိုး၊

Install လုံးဝ လုပ်လို့မရတာမျိုး၊

Latest Driver တွေ ထည့်လို့မရတော့တဲ့အတွက် ရသင့်တဲ့ Performance အပြည့်မရတော့တာမျိုးတွေ ဖြစ်တတ်ပါတယ်။

Windows 10 သုံးရင် Version ဘယ်လောက် အနည်းဆုံးဖြစ်သင့်လဲ?

ကိုယ့်ရဲ့ လုပ်ငန်းတွေ၊ ကိုယ်သုံးတဲ့ Application နဲ့ ကိုက်ညီတာတွေ၊ Hardware အခြေအနေတွေပေါ်မူတည်ပြီး

Minimum ဘယ်လောက်ရှိသင့်တယ်လို့ ပုံသေ ပြောလို့မရပေမယ့်

နောက်ပိုင်း Application အများစုကလည်း Windows 10 ဆိုရင် Version 1803 and Newer မှ Support လုပ်တာမျိုးတွေ ရှိလာတဲ့အတွက် Windows Version 1803 နဲ့ အထက် (1803 and Newer) နောက်ပိုင်း ရှိသင့်တယ်လို့တော့ ယူဆပါတယ်။